شباب غريب الاطوار

زاد الاردن الاخباري -

بصراحة انا مش عارفة ليش هيك التفكير صار في المجتمع
انا من اشد المعجبين بهذا الموقع ومن اكثر القراء لكن لفت انتباهي اسلوب بعض الشباب بالحديث عن البنات
اول شي مابقدر احكي الا انه كل شي نصيب
تانيا :: الشباب بلوموا بالبنات مشان جمالهم مش متل جمال اليسا وغيرها من هالاشكال ( لهالدرجة اصبحت المقارنة ) لو ان الشب اخته عملت عمليات تجميل تاعت اليسا كان منعها وبالاخر بحكي عن الجمال
الجميع بالشباب بدور على البيضة والشقرا والعيونها خضر وزرق طيب اختصر على حالك الموضع واتجوز من اوروبا
الجمال اللي حاليا ببنات الاردن جمال رباني ولا وحدة بيدها تغيره وهادا مابيعني انو شباب الاردن كلهم خارقي الجمال
للاسف انو تفكير الشب المشرف على الزواج هو الجمال وفقط ( وكرر فقط لانهم جميعا يطلب الجمال فقط)
خارجيا يخبرك انه يبحث عن المعدن وهو في الواقع يبحث عن الجمال فقط
هادا التفكير سبب انتشار العنوسة بالمجتمع على فكرة لانه كل واحد من هالشباب بدو ملكة جمال الكون
ولو بيدي برفع شعار ( انا افتخر بخلقتي ) لان من خلقني سيرفع من قدري طالما انني اشكره على نعمه
بنصح كل هالشباب طالما بنات البلد مش عاجبينكم بتلاقو اللي بعجبكم في الدول التانية ومش مشكلة تكسرر القاعدة وتتجوز من بره وتريحنا من تفكيرك الغرريب
وصدقوني ان بنات البلد مرتحات هيك
90 % من شباب البلد بدهم بيضة وشقرا نسيوا انهم عرب والجمال العربي احلى شي
شو يعني البنت سمرا وشعرها بني او اسود ؟؟؟؟؟ خلص هيك صارت بشعة وعيب
يااااااااااااااه
تفكير مش عارف شو بدي اوصفه
لكن مش الشباب بس هيك بحكوا حتى امياتهم هيك ؟؟؟
الله يعوض على هيك مجتمع
ويعينا على الحياة
تحياتي للجميع