.. أسئله لقصة حب انتهت!!

زاد الاردن الاخباري -

..أسئله حول قصة حب انتهت!!
الأخوة والأخوات ... السّلام عليكم ورحمة الله وبركاته ... وبعد
مين فينا عندو قصة حب انتهت أو أيا موضوع بالدنيا وانتهى

أنا ما رح أعرض قصتي إلي انتهت لانها بكل بساطة انتهت لكن رح أحكي لمحة عنها..قصة حب دامت تقريبا تلات سنين وكانت على وشك توصل للزواج ولاسباب كثيره انتهت..منها الشك..الغيره..البعد.. الجفا..عدم السيطره على الامور يعني أخد الأمور بغير جديه..وعلاقات قديمه..واستخدامي كوسيله للطرف الأخر لحتى ينسى حبو إلي كان....لكن الموضوع مو هون لاني ما عم بطلب عشبه طبيه أو علاج كيماوي لحتى يشفي إلي جواتي

لكن كل ما تمرق هادي القصة بخيالي ما بسمح للذكرى تخوني واتذكر شي انتهى متل ما قالت الست فيروز بمسرحية لولو (إلي بروح ما لازم يرجع)لكن بيخطر على بالي أسئله وهادي الأسئله إلي بدي رد عليها منكم أو رأيي صغير أو وجهة نظر ..هادي الأسئله الشي الي بخطر على بالي لما أفكر بعلاقتي القديمه:

اخطء أولا لتنجح بعدها؟
مش ضروري المعقول والممكن ضروري الأنسب؟؟
(إنما الأمم الأخلاق ما بقيت فان هموا ذهبت أخلاقهم ذهبوا) (و أحيانا بقول لاا الأنسب كن حقير .. قليل أدب .. وأحذر أن تكون ذا خلق !) لانو لما تتنازل عن حق لك ... فقط لكي لا تؤذي مشاعر الشخص الآخر ... أطلقوا عليك لقب الضعيف ....
من يراني بعين أراه باثنتين؟؟
هل الزواج ينسي الحب الأول؟ بالذات إذا كان الواحد/الوحده مو متأكدين من مشاعرهم تجاه هاد الشخص (الزوج/الزوجه) ومتوقعين العشره رح تخليهم يحبوه؟أم برأيكم هادي ورطة يمكن الواحد إنو يتورط فيها وما يطلع منها إلا مطلق؟

متل ما غنت جوليا بطرس
ليش الحب الأول ... ما بيرضى يفارقنا بيرجع من الأول ... ع الماضي يفيقنا
نكبر مهما كبرنا ... بيرجعنا صغار بيصير يذكرنا ... ويرمينا بالنار وبنارو بيحرقنا


بتمنى يكون كلامي مفهوم لاني تغلبت وانا أكتب الشي إلي جواتي.
تدومو بخير