ابني

زاد الاردن الاخباري -

قرأت المشاكل بالزاوية هاي وفعلا ضحكت لانو مشكلتي او وضعي بيختلف عن هاي المشاكل:

ابني حاليا عمره 2 ونص قبل ما يجي ع هالدنيا بس ب 3 ايام توقف الدم عن الخصيتين يعني ما راح لا يتزوج ولا يخلف بعمره ووضعه ما اله علاج طبيا بس راح يعطوه هرمونات ب عمر معين

بس مو هون مشكلتي انا الحمدلله راضية ولو انو كل ما احكي بالقصة ببكي رغما عني مو عشاني بس عشانه هو لما يكبر كيف راح يتقبل وضعه

انا مشكلتي مو وضعه الصحي انا مشكلتي وضعه النفسي بس يكبر كيف بدي افهمه حالته كيف بدي اشرحله لما يسأل خصوصا انو هو ولد ذكي والناس اللي ما بيعرفو وضعه بيحسدوني عليه ولله الحمد
شو اعمل كيف اربيه على انو يرضى بقضاء الله وقدره اللي انا بالرغم من اني راضية بس نفسي اعرف شو الحكمة بعد ما يكون طول ال 9 شهور طبيعي وقبل ينولد بفترة قصيرة يصير هيك الحمدلله