صديقتي

زاد الاردن الاخباري -

انا بنت عمري 25 سنه وبشتغل بشركه معظمها بنات والحمدلله سمعتي طيبه ودمي خفيف وأحسن شي انو صديقتي الصدوقه من أيام الجامعه بتشتغل معي بالشركه. ولكن للاسف في وحده ما حدا بطيقها من كتر ما هي شايفه حالها (ترباية الكويت وأبوها دكتور بالكويت) ما بتنطاق وما بتخلي حدا ما بتعلق عليه.

بنكون قدامها حبايبها ومناح ومن ورانا بتعجب علينا وبصراحه هي من البنات المعقدات لأنها كتير ناصحه فبتحاول اتعوض هالعقده بإنو كل لبسها وشناتيها ونضاراتها (ماركه).وازا كنت حامله مثلا شنته تقليد بتصير تتفلسف علينا ما تقولي إلا مصممة ازياء ومن أتيليه للتاني.

المشكله انو ما إلها صاحبه بالشركه وبلشت تفوت بعلاقتي أنا وصاحبتي وبدها تطلع تفطر معنا أو تتغدى معنا وتيجي عند صاحبتي علبيت وفارضه حالها بشكل قوي بس انا مو قادره أكمل معها مو قادره أتحمل غلاظتها بطلت أقدر أقعد معها بنفس القعده وصاحبتي كتير طيبه وعنياتها وما بتعرف اتزحلقلها مش عارفه شو أعمل؟

أنا حاسه صاحبتي بعدت عني واني رح أخسرها بسببها