كم هي غالية على قلبي

زاد الاردن الاخباري -

انا شاب عمري 30 سنة، قصتي غريبة شوية، لما كنت طالب جامعة كنت متعلق ب بنت ، كانت حلوة وأمورة، كانت الفتاة المثالية بالنسبة لي، طبعا لانه ما بقدر ارتبط ولانه لسا ما بنيت نفسي ولانه ما بحب اضحك على بنات الناس وانا عارف حالي مش قد الزواج وقتها، كلها اسباب ما خلتني احكي حتى كلام معها، مرت الأيام تخرجنا، وانا سافرت على الخليج، كنت افكر انه هي تزوجت، لكن لما بلشت دور على زوجة وشريكة ورفيقة بالحياة، وخطرت هي مباشرة ببالي، عرفت من خلال الفيس بووك انها لسا ما تزوجت، طبعا هي بمثل عمري 30 سنة، وطبعا انا مش عارف شو أعمل، ومحتار، يا ترى معقول تتذكرني، او أصلا شو موقفها انه شاب بعرفها تمام المعرفة وبجوز هي ما بتعرفني اصلا، لانه حبي الها كان نظرات بنظرات، وما كنت ناضج ومتمكن مثل الوقت الحالي، يعني سؤالي لكل بنت، شو نظرتك لشاب يظهر بحياتك ويعترفلك انه كان يحبك من 9 سنوات من سنة ثانية جامعة؟ محتار أروح التقيها ام لا؟