الى متى ؟؟؟

زاد الاردن الاخباري -

انا امراه متزوجه من 3 سنوات وموظفه ولدي طفله

لفت الايام ودارت وصار لازم نرحل من البيت اللي احنا فيه . وكان النا جيران ساكنين بنفس العماره مره وجوزها وهو شاطر بكل شي بيعرف كل شي بخطر على بال حدا

المهم لما رحلنا عرضوا علينا خدماتهم طبعا احنا جبنا شركة ترحيل بس هو ركب الاشياء الكبيره زي غرفه النوم الستالايت الكيزر وكل شي . يعني الشهاده لربنا خدمنا كتير هو ومرته ساعدتني وماقصرت

اهلا بلشت المشكلة عنا . احنا زادت علاقتنا معهم بعد مارحلنا وساعدونا وصاروا يدخلوا فينا شوي شوي لدرجه صارت تعرف شو في عندي اطبخ وشو مافي بس انا قدرت اوقف الامور عند حدها من ناحيه خصوصيات البيت .

معلش انا طولت بس لازم احكي تفاصيل عشان تنفهم القصه , هلا هم ماعندهم سياره وجوزها كل يوم بيطلع بشتغل وجوزي المحترم بحكم انه موظف منطلع الصبح والسيارة تبعته بتضل صافة للساعة 3 بعدين منروح فيها عرض خدماته انه بس تحتاجوها خدوها لانها صافة . وبعدين تطورت الامور عند زوجي وصار كل يوم يوصلني على الشغل ويروح يوصلهم السيارة على باب البيت ويروح على شغله مع واحد من صحابة . طبعا هدال المحترم يطلع يخلص مشاويره وشغله لانه حر بها الوقت ويروح على موعد ترويحتنا يروح جوزي (ويجواا)يروحوني .

صار هدا فرض .جوزي كل يوم يوصلهم السيارة بعدين صارت الامور تزيد انه بس يروحنا من الشغل يوصلنا على بيتنا وتضل معه لاخر الليل .ومرات يجو يزورونا فيها ويروحو فيها كانها الهم وبدون حتى استأذان. بطلت اعرف لا اروح ولا اجي وهم مقيديين كل مشاويرهم فيها بغض النظر احنا شو عنا .

طبعا جوزي هو الحق عليه لانه هو بوصلها بايده والوضع مش مدايقه ابدا وصرت حتى بس اخد اجازه انا وياه يروح يوديلهم السيارة واحنا نقعد بلاها

بصراحه انا زهقت وتعبت نفسيتي وبس افتح الموضوع مع جوزي بيقلي هم خدمونا .طيب هم خدمونا مره نضل نخدمهم العمر كله .الموضع اله 3 شهور

حتى جوزي بطل يرد علي او حتى يسال المهم هو عامل حاله الشهم. انا شو اعمل ؟ هاي السياره جبناها قرض وانا بشتغل وبساعد كتير في البيت لدرجه مابجيب الي اشي عشان البيت يكون بحاجه ,.شو اعمل مع جوزي ؟ بفكر اعمل مشكلة كبيره انه طول ما السيارة معهم مااركبها .حتى بحط بنتي عند اهلي مرات بعزمونا على الغذا مابقدر انزل لانه هو معنا لازم نوصله .طيب شو اعمل ولايمتى انا مخي بده ينفجر . وما حدا يقلي طنشي لاني مابقدر بطلت اعرف احكي كلمة مع جوزي لانه قاعد زي الرصد وجوزي مبسوط انه بخدمهم . حتى انهم اعطونا اشي من عندهم من البيت وبتفاجى انه مرته بتلمحلي بدها حقه فوق كل شي عملناه . شو الحل ؟؟؟؟ طبعا للعلم يمكن ناس يقولولي عشان البنزين .الموضوع مش بنزين لانهم بحطو فيها الموضوع استغلال.صح ولا شو ولا انا مكبره الموضوع .