قلة الثقة بالنفس

زاد الاردن الاخباري -

السلام عليكم اخواني واخواتي....

يمكن تذكرتوني لما عرضت مشكلتي عى مسامعكم بخصوص تعرفي على بنت امريكية من اصل لبناني وسنية وكان الاهل رافضين بس بفضل رب العالمين بالاخر اقتنعوا وتمت الامور على خير وانشالله بعد اشهر قليلة راح بنكون ببيت واحد........

مشكلتي يا اخوان بعاني منها من لما كنت بايام المدرسة ولحد هاللحظة والفرق الوحيد اني تعلمت كيف اخفيها عن العالم وا تظاهر بعكس ما اشعر به وهو قلة الثقة بالنفس ...بالمختصر بعاني من حالة الخجل الغير ظاهر...يعني بحس بخوف لما يطلب مني القاء ورشة اثناء عملي او عندما اتمشى بالمولات احس انو كل العالم عم تتفرج علي ...يمكن العالم ما تلاحظ هاد الشي بس انا داخليا بحاول اتخلص من هالعقدة واحيانا اتحدى حالي بمواقف قد تكون مضحكة بعض الشي ..و اكثر ما اخشاه هو حينما ياتي موعد عرسي فكيف سوف اتصرف بحضور الرجال والنساء من لبنان وامريكا وهذا ما يسبب لي ضغط نفسي هائل مما يترتب عليه عدم القدرة على التصرف باسلوب ايجابي....بالمختصر شو يلي لازم اعملوا لحتى اكسر هالحاجز يا اخوان...بدي اصير انزل ارقص متل كل هالشباب واكون اجتماعي واخد راحتي بالكلام واثق بنفسي دون ذرة خجل....

اعيد واكرر الاشخاص الذين حولي لا يلاحظون هذا العيب فيني لاني وبفضل الله استطعت ان اخفيه

ارجو من حضرتكم نصحي وبحلول واقعية