بترجاكم ساعدوني

زاد الاردن الاخباري -

السلام عليكم و رحمة الله و بركاته

حضرات القراء انا فكرت الف مرة قبل ما اتجرء و انشر معاناتي و كلي امل بالله و فيكم تساعدوني او على الاقل الاقيب عض الحلول.

قصتي بانني ضحيه للعادات و التقاليد . زواج بنت العم لابن عمه اقبل سنتين من اليوم تقدم لخطبتي ابن عمي

و انا ما كنت وقتها افكر بالزواج

كان كل املي اتخرج و و اشتغل بوظيفه محترمه لكن اهلي الله يسامحهم ما ردوا عليي و السبب ( احنا اعطيناهم كلمة )

و الكارثه الاكبر ان ابن عمي عمره 38 و انا عمري 21

سلمت للامر الواقع و خطبت

ابن عمي عايش في فلسطين و بعد فترة خطوبة دامت 5 اشهر تزوجت و سافرت معاه

و من هون بلشت المصايب

بيشك باي حركه بعملها و السبب انتوا يا بنات عمان بتخوفوا

بخيل لدرجة لا توصف مع العلم انه الله معطيه هو و اهله

عايش معي فقط كاداة جنسية مش اكتر , يعني اليوم اللي بشوف رقمه على موبايلي بعرف انه بده مني شي لما يروح

لانني حفظت المكالمه

حبيبتي اذا ما جهزتي الاكل , انا بجيب معي عشا.

اهلي ناس كتير مسالمين ومش قادره اشكيلهم همي

مرت عمي كتير قويه الله وكيلكم حية ما حدا بيقدرلها

عمي على باب الله

و زوجي موريني الويل بعمايله. تلفونه عليه افلام الله يعلم فيها

و ما بده ياني احمل و اجيب ولد يونسني بغربتي

والله من همي فكرت بالانتحار كتير

بس مخافة ربي بتوقفني

ارجوكم شباب و صبايا اعتبروني اختكم و ساعدوني