اريد حلا جذريا

زاد الاردن الاخباري -

معلقين زاد الكرام:

اعلم ان مشكلتي ليست بعظيمة كما سيقول البعض لكن اقسم انها تؤرقني وكامل بيتي جدا.
انا من سنة تقريبا الله كرمنا وقرررنا الانتقال من بيت العائلة الصغير الى بيت واسع لنا نكمل فيه حياتنا

علما انه لدي ولدين فقط وانا وزوجي موظفان حالنا كحال الناس دفعة اولى وبالباقي قرض من الاسلامي طول العمر.بحثنا كثيرا وكان الهدف شراء بيت يكون مرتب في منطقةهادئة وراقية وان لاتكون مكتظة وفيها مساحة وتشطيب كويس

المهم بحثنا وعثرنا على شقة بعمارة سكان الطابق الاول هم من عمروها لهم وفكرو باضفة طابقين اخرين من باب الربح.فقلنا انا وزوجي انها ستكون مشطبه كويس لانها الهم وانهم سياخذون بالهم من العمارة لانها الهم.

وللاسف لم نضع بالحسبان انهم مع احترامي للكل "طوبرجيه" غبرة ووسخ ومخ معقد من سنة الخشبة يعني على مستوى انهم بيتركو شباشبهم اجلكم الله على باب البيت

الناس كتير متاخرين ابسط امور النظافة بالنسبة الهم غريبة ما عندهم استعداد يسمعو اي شي ما بيجيبلهم مصاري هلا في بالعمارة مستاجرين من الجنسية العراقية كل مستاجر مسكن معو اخوه وعيلته يعني انا فوق بيتي 17 انسان لو بدهم يمشو زلزال رمضان الماضي ولا ليلة نمنا غير الصوت والوساخة الدرج والمصعد ما بينضفو شكينالهم بالمنيح قاطعونا وحكو احنا ما بدنا مشاكل والمستاجرين اوقح من هيك ما في يعني 12 شقة بالعمارة كل واحد فيهم اوسخ من التاني وانا من حقي اعيش مرتاحة بدرجة من النظافة في البيت اللي بدي ادفع حقة طول عمري

الكراج اقسم بالله مخيم لاجئين انظف منه الصوت كتير ازعاج طبعا هم مو حساين بهاد الشي لانو اللي فوقهم احنا واللي قبالي كتير هادين وما في عدد.

ارجوكم بعد اطالتي ما الحل مع هالجيران؟احنا ناس ما بنحب المشاكل وما عنا خبرة بهالمواضيع,هل هناك حل رسمي او قانوني لحماية الحيران؟او ماذا نفعل؟