قلبي كافر

زاد الاردن الاخباري -

السلام عليكم
أرجو ان تفهموني انا شاب عمري 28 سنة، مشكلتي انه قلبي مش مؤمن، يعني ما بيجي عبالي صلي، وبسمع الاذان ولا عبالي، بصوم بس حياء من الناس، والمشكلة انه ربنا برزقني، وانا بروح بضيع المصاري على الكوفيات، والسهرات، ومش عارف ليه البنات مش تاركيني بحالي، ما غلطت معهم بس يعني كل يوم بطلع بسهر مع وحدة، وهيك حياتي، ومرات بحسد الناس انه انهم مؤمنين وانا لا، وهاي رمضان اجا، وما تغيرت، مع العلم انه ما ارتكبت كبيرة بحياتي، بس حياتي بضياع ومش قادر اكون مسلم عنجد، وخايف اموت وانا كافر، شو الحل؟