عجزي بالحصول على التوجيهي

زاد الاردن الاخباري -

مرحبا
رمضان كريم وكل عام وانتم بخير

زاوية التنفس
زاوية المجتمع الاردني
اجمل زاوية في زاد الاردن

اخواني واخواتي
انا شاب عمري 19 سنة لدي مشكلتين مشكلتي في التوجيهي يا اخوان درست وتعبت كثير اقسم بالله العظيم واللي قدي بالعمر وجميع اصدقائي سنة ثانية جامعة...استنفذت فرصي جميعها والان اريد ان اقدم التوجيهي من اول وجديد والله فقعت معي وعمري يذهب وانا لسا في التوجيهي (............) والله يا اخوان تعبان نفسيا اقسم بالله تعبان نفسيا التوجيهي مرض وعم بعاني وهي السنة الثالثة بدي ادرسه واخذه لانو الصراحة من دون توجيهي ما بنفع!!! اروح ابسط في الشارع!!! الحمدالله رب العالمين وضعي جيد وعملي جيد ولله الحمد ولكن التوجيهي مرضني والله عم بكتب على غير عادتي والله كنت اكتب كلام مرتب ولكن الان ما في اشي عندي مرتب المهم يا اخوان انا عندي مشكلة بالحفظ انا ما بقدر احفظ وما الي خلاق بالمرة شو ممكن اعمل؟؟ بدي تجارب ونصائح بارك الله فيكم اغش بسماعة؟؟ اجيب شهادة توجيهي من الخارج؟؟ انفقت كثيرا لكي انجح والله كله هدرxهدر اقسم بالله مش عارف شو بدي اقول يا اخوان بالله عليكم انصحوني وخففو عني اخوكم بألم شديد والله شديد

وعندي مشكلة اصبحت عصبي لدرجة مش طبيعية واي شخص يتحدث معي ممكن اضربه مش قادر!!
مع العلم اني لا اقطع فرض صلاة ومن الناحية الدينية مش مقصر الحمدالله بس قد ما عملنا مقصرين بحق رب العالمين

سامحوني افكاري مشوشة وقلبي رح ينفجر

امانة عليكم يا اخوان اللي في زاد الاردن انكم تنشروها في اسرع وقت ممكن