هل انا قراري على صواب ؟؟؟؟

زاد الاردن الاخباري -

السلام عليكم ورحمه الله وبركاته
انا مابدي تقيم منكم على اخلاقي ومابدي اسمع حكي يجرحني بدي حدى يخبرني هل القرار الي تخده صح والا خطا بدي احكيلكم قصتي انا طالبه بالجامعه سنه تانيه حبيت واحد كان ابن جيرانا حبيته قبل ماادخل الجامعه يعني الي بحبه 3سنسن انا كتير بحبه وهوه بحبني وكانت علاقتي معه بهدف الزواج مش بهدف تضيع الوقت والتسليه وهوه بده يطلنبي لمى يكون حاله ويكون جاهز على المزبوط حكيت معه 3سنين بس بحياتنا مافتحنا مواضيع قليله ادب كان حكين حكي عادي وحكي حب وبس مش اكتر من هيك وحتى ماكنت اشوفه الاصدفه ازا رجعت من الجامعه لأنه ابن جيرانا يعني ماكنا نتفق انه نشوف بعض من شان هوه بده يحافض علي وانه الناس ماتصير تحكي عنا بيوم من الايام كنت بحكي معه والا ابوي يسمعني شو بحكي وانكشفت اني بحكي معه وكان بده يحرمني من كل شي وقعدت فتره مااحكي مع حبيبي وبعدين بعتلي رساله مع صاحبتي انه شو صاير معي وليش مابحكي معه وانه بده يحكي لبابا انه قصده شريف وبده اياني بس هوه هسا عنده ضروف ومابقدر يجي يطلبني وانه بده اياني ويحكي لبابا مايجوزني حدى غيره او انه يحكي مع ماما ويفهمها وضعه انا مارضيت وحكيت للبنت اذا بعمل هيك انا بزعل منه هوه ضل يبعت صاحبتي من شان اوافق انه هوه يحكي مع اهلي بس انا ضليت مصره ورافضه صار يحكي لصاحبتي انا بدي اشتريلها شريحه وتصير تحكي معي انا مارضيت وحكتلها احكيله انه اذا بده اياني عنجد يجي يطلبني رسمي ويجيب امه وابوه معه مش هوه يجي يحكي وين اهله عنه المهم حكتله صاحبتي حكالها والله انا اسف ومابقدر لأني بدرس وبدي سنتين تااتخرج وبعد سنتين انا بقدر اجي اطلبها رسمي ونكتب الكتاب وحكالها انه هوه ميت ليحكي معي ومش مبسوط وحياته عذاب مابعرف ينام ولايدرس انا حكتلها مستحيييل ارجع واحكي معه لانه انا غلطت مره ومستحيل اعيد نفس الغلط مره تانيه مارح ارجع احكي معه المهم حكتله هوه حكالها خلص انا لاني بحبها مابدي اغصبها على اشي بس خليها توعدني انها رح تستناني المهم انا وعدته رح استناه بس والله انا تعباانه كثير نفسي احكي معه واعرف اخباره بس خلص انا غلطت وتعلمت من غلطي بس انا هيك نفسيتي تعبانه كيف بدي اطلع من هاي الحاله الي انا فيها واللي عملته صح والا غلط احكولي انا غلطت والا لأ لمى مارضيت يجيبلي شريحه واني مارضيت يحكي لأاهلي احكولي انا والله والله نفسيتي تعبانه ومابدي حدى يتمسخر على ويسمعني حكي مش منيح بترجاكم تساعدوني