مشكلتي هي مشكلة عشائر

زاد الاردن الاخباري -

مرحبا لكل قراء زاد الاردن

صباح الخير .طبعا انا ماوصلت لهاي المرحلة اني اكتب مشكلتنا هون الا لما طفرت من كل الحلول ومافي مجال

ياجماعة احنا 5 خوات متزوجات وواحده من اخواتي متزوجه رجل مش ملاقية ولاكلمة اوصفها بحقة لاني مو عارف احلل شخصيتة

المشكلة انه اختي هاي بتحمي بجوزها علينا ووصل الموضوع انه يتهجم على اهلي ويضرب اخوي ويحاول يقتله لولا اخوي التاني الصغير اللي قدر يحل المشكلة وضربه على راسه والزلمة هلا بالمستشفى .

والمشكلة كبرت كتير واللله واللله واللله مافي سبب غير اختي .اللي مسكت ايد اخوي عشان جوزها يضربة ومد ايده على امي .المهم هلا الموضوع كبر كتيير ودخلت فيه ناس كتير وصار بين عشيرتين والسبب اختي اللي بتحمي الزلام اللي هم اهل جوزها على اخواني وبدها انه اهل جوزها يقلتوا اخواني .وابوي وعمامي والعشيره كلها ماحدا تارك اهلي الحمدلله الكل موقف معنا .وكل ماالموضوع يهدا بترجع تولعها انه بدها حق جوزها اللي انضرب .هلا عيب احكي هيك بس هي دبحت زلام ببعض وبتسب على الكل وولعت عشاير ببعض وابوي رح ينجلط من وراها وبتضل تهدد وتحمي الزلام ياجماعة شو الحل .احنا كلنا مامنحكي معها بس هي مو مصليه على النبي .وماقابله تهدا .اللي بحير انه هي خبيثة لدرجه قادره تلعب بعقول زلام كبار كتيير ومصدقينها وعلى مين على امي واخواتي التنين اللي اكبر واحد فيهم عمره 23 سنه.والتاني 16

شو الحل نقتلها يعني .نتبرا منها