محتارة شو أعمل ؟؟؟

زاد الاردن الاخباري -

بسم الله الرحمن الرحيم

أنا فتاة في بداية العشرينات بشتغل في شركة قطاع خاص تعرفت على شب معي بالشركة ووصلت بينا العلاقة انه متفقين على الزواج بس عم بتواجهنا شوية صعوبات .... هلا انا من شغلي بساعد اهلي بالبيت وبنسبة كبيرة كمان وبنفس الوقت الشب مو موافق على شغلي هاد وطلب مني اشتغل اي شي تاني ومو موافق ابدا على شغلي هاد خاصة انه فيه سفر كتير... وانا شرحتله وضعي واني لازم اضل اساعد اهلي وخاصة والدتي ما بتخلى عنهم ابدا ... بس المشكلة انه انا ما كملت جامعة وكمان جنسيتي مو اردنية يعني ما بقدر الاقي شغل منيح وامان وظيفي بسهولة بسبب وضعي ... هو مو معارض على اي شغل تاني بس شغلي الحالي ما بده اياه... وانا مو عارفة شو اعمل... وبنفس الوقت خايفة اترك شغلي هلا الي هو مصدر عيشي... ونفترق انا واياه واكون خسرت كتير ....

بدي منكم كل واحد يحط حاله مكاني ويقولي شو بيعمل؟؟؟؟

وشكرا للجميع